انا ماشي انفلونزا الحلوف لي تحكمني لازملي انفلونزا العتارس او يا درى ينوض الزهر المنحوس ديالي ! لخميس اللي فات زعمة كانو رايحين يجو ناس يهدرو عليا ، يخطبوني ، الدار قاع ميتة من الفرحة و ان ما نحكيلكومش لوكان ربحت في اللوطو و ماشي هكذا ، لربعاء قاتلي يما روحي للحفافة تسقمي روحك شوية ، هذا ما كنت نحوس ، عطيتها لواحد الحفافة يهدرو عليها الناس ، يشكرو و يعاودو ، قلت ندير كوبة و une couleur ، رحت لحقت ، جات دالتي و تبدى الاختبارات المخبرية في شعري المغبون ، 6 مرات تصبغ فيه و كل مرة يطلع لون عجب ! خلاص شعري بدى يطيح ، هنا قاتلي نحبس لو كان نزيدلك لون اخر تخرجي منا بصلة ! ندبتلها و حندبتلها ! ووجها صحيح و تقولي خلصي ! رحت للدار ، يما شافتني عيطت عيطة قريب تغاشت بعدها ! و نهار الخطبة ؟ واش من خطبة عيطنالهم و انولينا ، زعفو و قالولنا ما يشقاش ! لوكان دخلت بالفولارة ؟ لاه جايين يخطبو خالتي موني نتاع زنقة لعرايس ؟ بصح شح فيا ان رحت عند حفافة راجلها peintre قالك هو لي يعلمها كيفاه تخرج الالوان اللي تعمي لعيان !!
منقول
بانتظار ردودكم و شكرا